BUDAYA BATAK MILENIAL BLOG

  MANDOK HATA DOHOT UMPASA  TARDIDI / BAPTIS Punguan na marlasniroha, punguan na maria-ria, jala punguan na mangkalashon pasu-pasu nasian Debata dibagas namarampang namarjual on, tarida mai hubereng hami sian Pardompahan muna di namangontang hami di ulaotta sadarion on. Jumolo ma tapasahat mauliate mardongan Tangiang Tu Amanta namartua Debata marhite anak na Tuhan Jesus Kristus na paluahon hita sian Dosa, disiala basa dohot asini rohana, dilehon ari nauli, bulan nadenggan ima dinamangalap goar ma tutu ianakkotta sian bagas joro ni Tuhanta i marhite naposona. Jongjong hami dison napatuduhon na dohot do hami marlasniroha ima dinamangalap goarna ma tutu ianakotta, asi ma tutu rohani Tuhan, tujoloan ni ari on, goar nauli goar sipajoujouon goarnai, goar donganna gabe, goar  donganna hipas, luhut goarna saurmatua. hami pe tutu martangiang tu Amanta Namartua Debata gabe Dakdanak sioloi ajar, sioloi poda ni natua-tua na olo marsiajar jala naolo mangajari tu akka tikki nanaeng ro. di hamu natua

 MANDOK HATA DAN UMPASA MAMASUKI JABU Mauliate ma tapasahat tu Amanta na martua Debata, disiala holong dohot pasu-pasuna tu Hita tarlumobi di Hamu Bona ni hasuhuton, di Ari nauli, dibulan nadenggan diparnakkokni mataniari diapala tikki on, boi Hita padoppak Bohi dibagasan hahipason Ima di ulaonta sadarion ulaon mamasuhi sibaganding tua muna on. Dison ro do hami Sian ( tapaboa  ma Sian dia Haroronta contoh : ale2 do, hula2 do, Manang STM dll ) ..... Mandok selamat ma dihamu nga sidung be sibaganding tua muna on jala Hami pe Massai las roha Nami ala Nungnga be tipak hamu Marjabu, mangido Hami tu Tuhan,  Hipas hamu mangingani sibaganding tua muna on, jabu pangalapan pasu2 ma on di Hamu  , jabu hatubuan ni anak nabisuk  dohot boru nauli basa, jabu silasniroha , jabu siboan tua siboan dame tu akka Ari namangihut. Songon Panimpuli hata nami diapala tikki on, sahat ma tangiang pangidoatta dipasahat Tuhatta tu hamu, asa dohonokku ma songon na ni dok ni opputta sijolo-jolo Tubu  Tubu simarlasun

 HATA UMPASA MANGAMPU ADAT SAUR MATUA/SARI MATUA/PARTANGIANGAN Mauliate ma tapasahat tu Tuhan Debata disiala basa dohot asi nirohana, dilehon do di hita hahipason di na mamungka sahat tu nanaeng mangujungi ulaotta sadarion. Mauliate ma hupasahat hami sian bona ni hasuhuton, tarlumobi ma secara khusus sian hami hasuhuton bolon diapala tingki on, di hamu : Dongan Tubu nami Boru bere ibebere Dongan sahuta Pemerintah setempat Huria Ale-ale  Tarlumobi ma dihamu HULA-HULA nami sian Ginjang sahat tu toru Massai huhamauliatehon hami dihaburjuon muna tu hami bona ni hasuhuton dibagasan sadarion, tung godang naung hujalo ha,i sian hamu marhite sipirni tondi, ringgit sitio suara, tarlumobi ma di tangiang dohot Hata nauli hata nadenggan napinasahat muna tu hami, asi ma tutu rohani Tuhan martinangi marbinege ma di sude pangidoan dohot elehelektai, asa : Ampe ma antong di sambubu nami Tuak diabara nami Ampu diampuan nami Tangiang dohot pangidoan muna i saluhutna tu hami bona ni hasuhuton. Asa husaur

  MANDOK HATA DI PUNGUAN STM/SEKTOR/KELOMPOK TANI Punguan namarlasniroha, punguan na saroha, punguan na masipaolooloan disangkap Nauli nadenggan laho mamuji Debata marhite punguatta on. Mauliate mardongan puji-pujian do tapasahat tu Tuhan Debata disiala basa dohot asini rohana dilehon do tu hita luhut hahipason tarlumobi sadaniroha boi hita marpungu dibagas on laho patupa pamujion tu Tuhan Debata dohot paturehon akka program nanaeng tahatai dipunguanta. Marhite punguatta on mangido martangiang ma hita tu Tuhan Debata asa lam di padimpos punguanta on, dilehon dihita hahipason, sadaniroha, dipasahat tu hita na hombar tu akka nataula, akka dongan pangula sinur nahipahan gabe naniula, dongan partiga-tiga mangomo diakka partiga-tigaanna, dongan Parkantor tabba akka pangkat dohot jabatan. Dipartingkion on mandok mauliate do au mewakili punguan diloja ni tingki, pingkiran , dohot gogo di hamu pengurus nami, marbisuk margogo ma hamu mandalanton roda ni punguan ta on, asa lam tu hembangna tu ul

  MANDOK HATA SIAN HULA-HULA NAMARHAHA MARANGGI  DI PESTA PERNIKAHAN Di hamu hasuhuton bolon, dison ro do hami sian hula-hula namarhaha maranggi, songon boa-boa adong do dison hami lima hula -hula namarhaha maranggi dipanggoraon muna , alai dos rohatta, di hita hula-hula namarhaha   maranggi, sada siloppa gadong, dua siloppa puli, tung sada pe hita na mandok hata naung sude ma hita mandok nauli, sada pe sidok hata, naung sude ma sidok nauli ateh. (dos ma rohatta) Hasuhuton bolon na marlasniroha diapala tikki on, dison jongjong do hami sian hula-hula namarhaha maranggi, ima dinamakkalashon dinamanjalo pasu-pasu parbogason ma bere nami sian bagas joro ni Tuhanta I marhite naposona. Gokkon dohot jou-jou napinasahat muna, hami ro saonari mangadopi gokkon muna di ulaotta sadarion, hami saluhutna hula-hula namarhaha maranggi mandok mauliate tu Tuhan disiala pasu-pasu dohot holong ni roha na i, uli dohot denggan sudena ulaontta sadarion. Sudenai basa-basa sian Tuhan do i. Hami sian hula

MANDOK HATA MAMERENG NAMARSAHIT Mauliate ma tapasahat tu Tuhan, disiala basa-basa dohot holongni rohanai tu hita, hipas do hami naro jala hipas do hamu nahudapotton hami, mandapothon hamu tubagas namarappang namarjual on, sigomgom pangisina, namarsiala mai tutu diari nasalpui nasonggop parsahiton tu pamatang ni lae nami manang ibotonami. Dihamu keluarga, tarlumobi ma lae ibotonami dison ro do hami akka namarholong ni roha mamereng laos marsisarian diakka holongta na markeluarga jala namardongan dohot namarpunguan,   sada dalan nami patuduhon holongnami dang holan dilas ni roha dongan ni dapottonon alai diakka nahurang sehat pe dipamatang dohot ulaon akka naasing ikkon tong do patuduhon holong, asa tangiang masitangiangan hita, marsiurupan jala masilehonon solang nauli dipargoluotta I ganup. Di lae dohot ibotonami suang songoni keluarga, Tama do hita mandok mauliate Tu Amanta namartua Debata, ala nga gumanggang be huida hami pakkilaan muna dibagasan sadarion, asi ma tutu rohani