MANDOK HATA MAMERENG NAMARSAHIT

MANDOK HATA MAMERENG NAMARSAHIT

Mauliate ma tapasahat tu Tuhan, disiala basa-basa dohot holongni rohanai tu hita, hipas do hami naro jala hipas do hamu nahudapotton hami, mandapothon hamu tubagas namarappang namarjual on, sigomgom pangisina, namarsiala mai tutu diari nasalpui nasonggop parsahiton tu pamatang ni lae nami manang ibotonami.

Dihamu keluarga, tarlumobi ma lae ibotonami dison ro do hami akka namarholong ni roha mamereng laos marsisarian diakka holongta na markeluarga jala namardongan dohot namarpunguan,  sada dalan nami patuduhon holongnami dang holan dilas ni roha dongan ni dapottonon alai diakka nahurang sehat pe dipamatang dohot ulaon akka naasing ikkon tong do patuduhon holong, asa tangiang masitangiangan hita, marsiurupan jala masilehonon solang nauli dipargoluotta I ganup.

Di lae dohot ibotonami suang songoni keluarga, Tama do hita mandok mauliate Tu Amanta namartua Debata, ala nga gumanggang be huida hami pakkilaan muna dibagasan sadarion, asi ma tutu rohani Tuhan lam dipasahat ma hipas ni pamatang laos dipasahat akka silas ni rohani tu hamu tu akka ari namangihut, asa tanggal ma i so dihilala, peut so diboto hamu akka parsahiton nasonggop tu pamatang muna i.

Lae ito, sada pesan nami tu hamu asa lam tu jamot na hamu tu akka ari namangihut manjaga akka sipanganon na dipangan muna, dijaga istirahat, unang maporsirhu akka mangula siulaon, toho doi porluni akka namangalului akka sinamot I laho pakkeon muna di manjalahi ngolu siadapari, alai ikkon do tong malo hamu marhali-hali, unang do sinari 20.000 hape nalao 100.000.

Dilae dohot ibotonami, dison hupatupa hami gula sitonggi-tonggi songon dalan nami martangiang tu amanta namartua Debata, asa tutonggina pakkilaan muna tu ari namangihut, laos hupatupa hami ringgit sitio suara, songon pangurupion nami manuhor pil sabiji laho parubatan muna, asa sititi ma sihoppa golang-golang pangarutna, tung songoni pe saotik naboi hupasahat hami, las ma roha muna manjalo.

Songoni ma hata saotik naboi hupasahat hami, Tuhan Debata ma napasautton pasu-pasuna tu hamu. Botima

 

 

 

                                                                                                                        Panurat

                                                                                                                 Joko Lumban Toruan

                                                                                                                                   

Komentar

Posting Komentar

Postingan populer dari blog ini

Mandok Hata dan Umpasa Saurmatua/Sarimatua/Mate Poso

Mandok Hata & Umpasa  Ulaon Duka Cita Punguan Na marhabot ni roha, Parjolo Mandok Mauliate ma Hita Tu Tuhan, disiala Basa dohot Pasu-pasuna hipas Hami ro jala hipas hamu hudapot Hami Ima na paadop-adop simangot ni Natua-tua muna Natua-tuatta di bagasan tikki on.  Punguan na tariluilu dison rondo Hami Punguan STM/ Punguan/Horong ( tasesuaihon ma harorotta )  ta na patuduhon na dohot do Hami mar habot ni roha marsiala Mai naung Jumolo dialap Tuhatta Sada Ama/ Ina (tasesuaihon ma  ) Sian tonga2 ni keluarga muna, Molo Sian pardangingon dang so bocca Ro hamuna dipaninggalhon ni Natua-tuatta on, alai molo Sian haporseaotta jala marTuhan Hita, ikkon pos do Rohatta jala on ma tikki nadumenggan pangatur ni Tuhan i, molo didok akka Parbahasa Indonesia, " Segala Sesuatu Indah Pada Waktu" on ma tikki na dumenggan dinatuatua on mandapothon Tuhatta i, dang pola gajjang be dohonokku di hamu keluarga besar diapala tikki on, Lakka namion ma Gabe tangiang dohot pangidoan Nami tu amanta Nam
Baca selengkapnya

Mandok Hata & Umpasa Mamasuki Jabu

 MANDOK HATA DAN UMPASA MAMASUKI JABU Mauliate ma tapasahat tu Amanta na martua Debata, disiala holong dohot pasu-pasuna tu Hita tarlumobi di Hamu Bona ni hasuhuton, di Ari nauli, dibulan nadenggan diparnakkokni mataniari diapala tikki on, boi Hita padoppak Bohi dibagasan hahipason Ima di ulaonta sadarion ulaon mamasuhi sibaganding tua muna on. Dison ro do hami Sian ( tapaboa  ma Sian dia Haroronta contoh : ale2 do, hula2 do, Manang STM dll ) ..... Mandok selamat ma dihamu nga sidung be sibaganding tua muna on jala Hami pe Massai las roha Nami ala Nungnga be tipak hamu Marjabu, mangido Hami tu Tuhan,  Hipas hamu mangingani sibaganding tua muna on, jabu pangalapan pasu2 ma on di Hamu  , jabu hatubuan ni anak nabisuk  dohot boru nauli basa, jabu silasniroha , jabu siboan tua siboan dame tu akka Ari namangihut. Songon Panimpuli hata nami diapala tikki on, sahat ma tangiang pangidoatta dipasahat Tuhatta tu hamu, asa dohonokku ma songon na ni dok ni opputta sijolo-jolo Tubu  Tubu simarlasun
Baca selengkapnya

MANDOK HATA DAN UMPASA TARDIDI

  MANDOK HATA DOHOT UMPASA  TARDIDI / BAPTIS Punguan na marlasniroha, punguan na maria-ria, jala punguan na mangkalashon pasu-pasu nasian Debata dibagas namarampang namarjual on, tarida mai hubereng hami sian Pardompahan muna di namangontang hami di ulaotta sadarion on. Jumolo ma tapasahat mauliate mardongan Tangiang Tu Amanta namartua Debata marhite anak na Tuhan Jesus Kristus na paluahon hita sian Dosa, disiala basa dohot asini rohana, dilehon ari nauli, bulan nadenggan ima dinamangalap goar ma tutu ianakkotta sian bagas joro ni Tuhanta i marhite naposona. Jongjong hami dison napatuduhon na dohot do hami marlasniroha ima dinamangalap goarna ma tutu ianakotta, asi ma tutu rohani Tuhan, tujoloan ni ari on, goar nauli goar sipajoujouon goarnai, goar donganna gabe, goar  donganna hipas, luhut goarna saurmatua. hami pe tutu martangiang tu Amanta Namartua Debata gabe Dakdanak sioloi ajar, sioloi poda ni natua-tua na olo marsiajar jala naolo mangajari tu akka tikki nanaeng ro. di hamu natua
Baca selengkapnya