MANDOK HATA SIAN HULA-HULA NAMARHAHA MARANGGI DI PESTA PERNIKAHAN

 

MANDOK HATA SIAN HULA-HULA NAMARHAHA MARANGGI 

DI PESTA PERNIKAHAN

Di hamu hasuhuton bolon, dison ro do hami sian hula-hula namarhaha maranggi, songon boa-boa adong do dison hami lima hula -hula namarhaha maranggi dipanggoraon muna , alai dos rohatta, di hita hula-hula namarhaha  maranggi, sada siloppa gadong, dua siloppa puli, tung sada pe hita na mandok hata naung sude ma hita mandok nauli, sada pe sidok hata, naung sude ma sidok nauli ateh. (dos ma rohatta)

Hasuhuton bolon na marlasniroha diapala tikki on, dison jongjong do hami sian hula-hula namarhaha maranggi, ima dinamakkalashon dinamanjalo pasu-pasu parbogason ma bere nami sian bagas joro ni Tuhanta I marhite naposona. Gokkon dohot jou-jou napinasahat muna, hami ro saonari mangadopi gokkon muna di ulaotta sadarion, hami saluhutna hula-hula namarhaha maranggi mandok mauliate tu Tuhan disiala pasu-pasu dohot holong ni roha na i, uli dohot denggan sudena ulaontta sadarion. Sudenai basa-basa sian Tuhan do i. Hami sian hula-hula namarhaha maranggi, mangido tangiang tu amanta na martua debata asa tu joloan ni ari on gabe keluarga siboan dame, siboan pasu-pasu, keluarga silasniroha bere nami tu akka tikki na naeng ro.

Di bere nami boru-boru adong saotik sipodahonon nami, malo marsimatua, sipata di namarsimatua  ninna na hurang soccok, alai pos do angka roha nga berpendidikan hamu,gabe parumaen sitiruon ma hamu di keluarga besar tu angka tikki na naeng ro. Baen contoh, baen teladan, labbok marsimatua, labbok martutur ido kunci di angka nauli na denggan di na mabbangun parruma tanggaon.

Dang pola gajjang be dohonon nami, hami sian hula-hula namarhaha maranggi mangido martangiang tu amanta martua debata. Sahat ma pasu-pasuna tu hamu hatop hamu di dilititi andor muna, gabe keluarga siboan dame,sitiruon,tu angka ari na mangihut.

Asa husaur-saurima songon  ni dok opputta sijolo-jolo tubu, jala ampemaon sahat ma on tu hamu,tu akka tikki na naeng ro.

ASA TUBU MA NINNA TABISSU DI TORU NI PINASA

TU JOLOAN NI ARI ON TUBU MA DI HAMU ANAK NA BISUK,

ANAK SIBOAN DAME, DOHOT BORU NAULI BASA

EME SITTABA TUA, PARLNGGOMAN NI DEKKE NA MOKMOK,

LAS TABO MA BAEN INDAHAN SI PAILOHOT.

TUHAN DEBATA DO SILEAN TUA

LUHUT MA PARRUMA TANGGAON MUNA ON HAMU DIPAROROT.

SAHAT-SAHATNI SOLU SAHAT MA TU BONTEAN

NUNGNGA DIPASAHAT HAMI TANGIANG HATA NA ULI TU HAMU

DIPASAHAT TUHAN MA I TU HAMU SAHAT HORAS JALA GABEAN.

Di hamu parmusik nami, dison hami jongjong hula-hula namarhaha maranggi asa marebbas, asa margondang, asa manortor jo hami tu bere nami on asa anggiat marhita tortor dohot gondang namion, peak pasu-pasuna na balga i na uli tu bere namion tu akka tikki na naeng ro.

Asa sianjur mula-mula, sianjur mula toppa  

bahen ma jo di hami, gondang mula-mula I laos padomu tu gondang somba

asa liat parhorasan,liat hagabeon dibere nami on,

naeng mangaliat pasahatton pasu-pasuna,

mangido hami tu Tuhan I, bahen ma di hami gondang liat i.

Nanti mangaliat, setelah mangaliat biasanya paranak tidak akan langsung menutup acara mereka akan datang kalau di Bahasa bataknya, Hula-hula manabe-nabe, paranak akan mangolopi. Setelah selesai, kemudian kita lanjuta mandok :

TINAHU AEK TIO, BINAHEN TU PANUHATAN BAHEN MA DI HAMI GONDANG SI TIO-TIO I, LAOS PADOMU MA TU HASAHATAN.

 

PANURAT: JOKO LUMBAN TORUAN